Londresko Webjam Ltd. enpresaren fundatzailea eta sormen zuzendaria.
Bokaziozko galiziar hau Londresera joan zen 1998an artearen munduko prestakuntza osatzera. 

Aitzakia egokia aurkitu zuen sarean ideia berriak esploratu eta garatzeko. Interneteko industriak ateak ireki zizkion teknologia digitaletan eta "komunikatzaile bisual" bezala daukan esperientziari esker,  eta 2000. urtean Yahoo! Europe enpresan sartu zen proiektu-diseinatzaile zereginetan aritzeko. Yahoo! enpresan egin zituen 6 urteetan, Albertok esperientzia bildu zuen Erabiltzailearen Esperientzia arloko alderdi guztietan. Garai horretan, berak zuzendu zuen Yahoo!-ren atari globala diseinatzeko prozesua eta, azkenik, Produktu Estrategia Sailean jardun zuen Yahoo Mobile-ko atari globalarentzat.

Esperientzia eta ikaskuntza horri guztiari esker, Alberto bere ideia propioak garatzen hasi zen eta 2006an, Webjam Ltd. enpresa sortu zuen Marcus Greenwood eta Yann Motte-rekin batera. Sare Sozialen esparruko konponbide hornitzailea da, eta erabiltzailearen interfaze adimendun, sinple eta malguan oinarritzen da konponbide horiek eskaintzeko.
Sormen Zuzendari den aldetik, Albertoren ardura da produktuen garapena eta bezeroei ahalik eta konponbide sortzaile eta estrategikoenak eskaintzea.

Albertok Arte Ederretako ikasketak egin zituen Vigoko Unibertsitatean, eta bertan egin zituen  baita ere doktoretzako ikastaroak. Bere obra artistikoa hainbat galeria eta erakundetan egon da ikusgai eta esan genezake baduela obsesio tematiko txiki bat: sorkuntza prozesuak. Hori dela eta, gai horri buruzko Master bat egin zuen Londresen, Saint Martins Schooll of Art and Design eskolan. Ordenagailuaren aurrean edo lotan ez dagoenean, atsegin ditu sukaldaritza, surfa, gitarra jotzea eta mundu guztiari gustatzen zaizkion gauza horiek guztiak, baina, denon antzera, sekula ez du horretarako astirik.