Zientzia Fisikoetako Doktoretza egin zuen Madrileko Unibertsitate Autonomoan eta Telefónica I+D-n hasi zen lanean 1990ean, optimizazio eredu eta algoritmoak garatzeko. Ordutik, ardurazko karguak izan ditu eta horien bidez hainbat ikerketa eta garapen proiektu bultzatu ditu hainbat esparrutan: sareen plangintza,  operazioak eta mantenimendua, logistika, negozio adimena, plangintza estrategikoa eta araudia. Espainiako Telekomunikazioetako Merkatuaren liberalizazioak zirauen bitartean, aktiboki parte hartu zuen sareen bilakaerari eta kostu-egiturari buruzko ikerketa tekno-ekonomikoetan, zeintzuei esker kostuen kontabilitate sistema bat garatu baitzen Telefónica enpresarentzat.

Sare eta Zerbitzu Kudeaketa Saileko zuzendaria izan da 2009ra arte, eta une honetan duen ardura da Telefónica I+D saileko estrategia teknologikoa definitzea eta koordinatzea. Europako NESSI (Networked European Software and Services Initiative) Plataforma Teknologikoaren eta Autonomic Communication Forum erakundearen kontseiluetako kidea da.