GAIA NET Exchange proiektua "koopetentziako" (gaztelaniazko cooperación eta competencia hitzak elkartuz sortzen den esamoldea) kasu arrakastatsu bat da, Berrikuntza Kolaboratiboaren punturik zailenean kokaturik dagoena. Proiektuaren meriturik handiena da lankidetzako ametsak egia bihurtu dituela; helburu hori lotzeko, Gaiak eta Gipuzkoako Foru Aldundiak konfiantzazko ingurune bat sortu dute trakzio lana egin duten 11 enpresarentzat.

GAIA NET Exchange antzeko profileko enpresa asko biltzen dituen ingurune batean garatzen da, tamaina txiki edo ertainekoak denak eta ERP konponbideei buruzko ezagutza handia dutenak. Ondorioz, lehia handia dago Euskadiko fabrikatzaile eta produktuen artean. Errealitate hau ez da oztopo izan oraindik esploratu gabeko eremu horretan akordiorako konpromiso bat lortzeko. Enpresek elkarrekin jardun dute  konponbide berritzaile eta onuragarriak bilatzeko guztiontzat, oro har Informazio Sistema fabrikatzaileentzat baina bereziki beren bezero edo aliantza estrategikoentzat.

Behetik gorantz", "guztiok batera egin dezakegu eta elkarrekin bakarrik lortuko dugu", "inposaketatik ziurtasunera" "lehen gizonak teknologiari itxaroten zion eta orain teknologiak gizonari itxaroten dio"… Horrelako printzipioetan oinarritzen da aliantza garrantzitsu hau, zeinak dagoeneko emaitza ukigarriak, ilusioa eta mugarik gabeko proiekzioa lortu baititu. Ideia sinple, begi-bistako eta ireki hori egia bihurtu da, lehiakide guztien artean onura kolektibo eta orokorra lortzeko eginiko apustuari esker, garbi ikusten delarik inbertsioa itzulgarria izango dela. "Konfiantzaren triangulazioa" eta guztiontzako ongia dira GAIA NET Exchange ekimenaren eta etorkizunean izan ditzakeen atxikipenen bermeak.