UNION plataforma enpresa handietan askotan, eta are gehiago xurgapenak edo/eta bat-egiteak tartean daudenean, ematen den egoera baten ondorioz sortu zen. Kasu honetan, informazio sistema desberdinen arteko integrazio faltak eragindako arazoak izan ziren abiapuntua.

Arazo honen aurrean, konponbide drastikoak hartu izan dira historikoki, esaterako, den-dena biltzen duen sistema bakarra ezartzea edo justifikatzeko zailak diren inbertsioak eskatzen dituzten integrazio plataforma handiak sortzea.

Hala ere, Fagor Etxetresnak taldeak, Mondragon Unibertsitateak eta B2B 2000 taldeak garatutako lankidetzatik planteamendu berri bat sortu zen: Zergatik ez sortu pixkanaka eboluzionatzen duen plataforma bat, emandako urrats bakoitzeko inbertsioa itzuliko duena eta ordura arte baliozkoa dena mantentzeko aukera ematen duena?

Planteamendu horretatik abiatuta, lankidetza estua sortu da hiru erakundeen artean (Fagor Etxetresnak, Mondragon Unibertsitatea eta B2B 2000) eta horri esker proiektua azkar doa aurrera, izan ere, erakunde bakoitzak ongien egiten dakiena egiten baitu (negozioa, sistemen ikerketa eta hauen integrazioa, hurrenez hurren).