DAD (Digital Assets Deployment), Espainian liderra den Interneteko inkubagailuaren presidentea da, bereak dira Baquia.com edo Cinemavip enpresak eta BuyVIP edo Synerquia.com bezalako proiektuetan parte hartzen du.

Espainiako Commerce Net sareko presidentea izan da, Netjuice S.A. enpresaren bazkide-fundatzailea eta Negozio Garapen saileko presidenteordea, Telefónica Sistemas S.A. enpresako marketin zuzendaria, KRONE S.A. enpresako kontseilari delegatua, SERVICOM enpresako Nazioarte eta Merkataritza Sailetako zuzendaria eta SMM enpresako presidentea.

Alemaniar filologiako ikasketak egin zituen eta bi master hauekin osatu zuen bere prestakuntza: bata Nazioarteko Zuzendaritzakoa eta bestea Zuzendaritza Orokorrekoa.

25 urte baino gehiago daramatza on-line sistemak erabiltzen eta maisuki baliatzen du Internet  enpresako erabakiak hartzeko euskarri bezala.

Hitzaldi asko ematen ditu eta bera izan da  Merkataritza Elektronikoa mundu osoan sustatzen duen Commerce Net (www.commercenet.org) erakundearen barruan Espainiako sarea sustatu duena, bertako presidente izendatu dutelarik. Gainera, artikulu eta liburu ugari idatzi ditu: “Internet Hoy” eta “Los cinco mandamientos de la empresa en Internet: enseñanzas para después de una crisis”.