Valentinek bere hitzaldian azalduko du zeintzuk diren Cosentino taldeko berrikuntza politikaren zutabeak eta azpimarratuko ditu bereziki indartu dituztenak, horiexek baitira beren lehiakortasun estrategiaren oinarriak. Horretarako, Cosentino enpresaren irudi orokorra emango digu eta esango digu zein den enpresaren merkatua, zein arma erabiltzen duten lehiatzeko, nola ateratzen dieten probetxu handiena beren indar-guneei eta nola antolatzen duten berrikuntza enpresan.

Taldearen berrikuntza prozesua zehatz-mehatz nolakoa izan den azaltzeko, hizlariak kasu praktiko batekin ilustratuko du azalpena eta produktu berri baten merkaturatze prozesua analizatuko du: ECO by Cosentino.

ECO by Cosentino lan-azaleren merkatura zuzenduta dagoen produktu birziklatu bat da, zeina erronka handia izan baita antolakundearen maila guztietan. Valentínek azalduko dizkigu zeintzuk diren produktuaren garapen prozesuko alderdirik garrantzitsuenak eta baita ere zeintzuk izan diren bidean aurkitu dituzten erronkak.