|
|
Inma
Shara
Orkestra zuzendarien belaunaldi
berriko liderra eta munduko ordezkaririk berritzaileenetakoa.
Europako Bikaintasunaren Saria jaso zuen. |
|
| |
Hitzaldiaren
laburpena |
Zuzendaritza
harmonikoa
|
Musika da lengoaien
artean unibertsalena; arrazoiak gidatzen du baina
sentimenduek mugiarazten dute. Ikuspegi honetatik,
Inmak hainbat giltzarri proposatuko dizkigu talentuz
beteriko talde batek emaitza paregabea eman diezagun.
Bere hitzaldian, lehenik eta behin, lidergoa jorratuko
du indibidualitate biltzaile eta elkartzaile den
aldetik, eta jarraian zenbait jarrerek (autokritikak,
karismak, pasioak, sakrifikatzeko gaitasunak, eta
abarrek) duten garrantzia azpimarratuko du. Funtsean,
gako batzuk eskainiko dizkigu autoritate formal baino
gehiago autoritate moral bezala ulertutako lidergora
iristeko.
Talde bateko talentuak eraginkorki kudeatzeko eta
ekimen pertsonalak sustatzeko, beste hainbat trebetasunen
artean, funtsezkoa da adimen emozionala aplikatzea.
Inma Sharak azalduko digu zein den lidergo transzendentalaren
eta transakzionalaren artean dagoen aldea eta “arrakasta” eta “porrot” hitzez
duen kontzeptua. Orkestra
zuzendari bezala, ongi daki talde batean barne komunikazioa
sustatu behar dela sormena akuilatzeko, izan ere, taldearen
konpromisoa, elkarrekiko ezagutzatik eta nortasun sentimendutik
sortzen baita. Lidergoaz eta taldeko konpromisoaz ari
garenean, lehenik, mugarik gabeko eskuzabaltasunaz,
tolerantziaz eta inplikazio pertsonalaz ari gara; eta
bigarrenik, adimen emozionalaz. Gainera, lidergoak
berekin dakar bihotzera zuzenean iristen den diskurtso
logiko eta koherentea eta taldearen benetako
konpromiso gardena.
Ba al dago pasiorik gabeko lidergorik? |
|
|
|
Currículum |
|
|
| |
Munduko orkestra
zuzendarien belaunaldi berriko ordezkaririk
berritzaileenetakoa da. Emakumezko sei
orkestra zuzendari profesional daude
munduan eta Inma Shara da horietako bat.
Esan bezala, sei emakumek bakarrik lortu
dute orkestra sinfoniko bat zuzentzea.
Musika ikasketak egin ditu Madrileko eta
Gasteizko Goi-Mailako Musika Kontserbatorioetan,
eta geroago Madrileko Goi-Mailako Musika
Kontserbatoriora joan zen Orkestra Zuzendaritza
ikastera. Alexander Rahbari eta Sir
Colin Davis-en ikasle izan da.
Orkestra zuzendaritzako espezialitatean
hiru urte igaro ondoren, Alemanian, Herbehereetan
eta Estatu Batuetan osatu zituen bere ikasketak,
Ricardo Muti edo Zubin Metha bezalako profesionalekin
(azken honekin Bayerische Staatsoper-eko
zuzendari zenean).
Espainiako orkestra sinfoniko garrantzitsuak
zuzentzeaz gain, nazioarteko beste batzuekin
ere aritu da, besteak beste, London Philharmonic
Orchestra-rekin, Israeleko Orkestra Sinfonikoarekin,
Vienako Orkestra Sinfonikoarekin, Ukrainiako
Orkestra Nazionalarekin, Letoniakoarekin,
Israeleko Filarmonikarekin, Errusiako Sinfoniko
Nazionalarekin, Czech National Symphony-rekin,
the Russian National Symphony-rekin, the
London Royal Phihlarmonic-ekin, London
Symphony Orkestra eta Abesbatzarekin, Errumaniako
Irrati-telebistako Orkestra Sinfonikoarekin,
Pennsylvania Estatuko Orkestra Sinfonikoarekin
(AEB) eta Graz-eko Orkestra Filarmonikoarekin.
Gainera, Bikaintasunaren Europako
Saria jaso du duela gutxi.
|
|
| |
|
|
| |
|
|
|
|
