Seiehun berritzaile buru baino gehiago hamargarren iBGC kongresuan

Atzo BECa sorpresaz bete zen beren esperientziak partekatzera heldutako seiehun profesional eta adimen kezkatsu elkarrarazi zituen berrikuntzari buruzko topaketa batean. Eskerrak eman nahi dizkiegu edizio honetan gurekin izan diren bisitari eta hizlari guztiei. Berek urtero-urtero esaten duten bezala, ideiak norabide askotan mugitzen dira eta, ondorioz, berek ere ideia eta sentipen berriak partekatzen dituzte, horietan oinarriturik menturaz gero beren proiektu berriak aberasteko.

Hamargarren urteurreneko edizio honetan berriro jaso dugu era guztietako sektore, neurri eta jatorri geografikoko enpresen esperientzien ekarpena; denek lagundu digute betetzen aurtengo leloaren edukia, hau da, berrikuntza norbere sektoretik haratago bilatzea. Partekatu eta lankidetzan aritu: horra komunitate honen ardatza, ardatz bat sare sozialetatik jarraitzen eta sustatzen gaituzten pertsona guztiek beren ekarpenekin indartzen laguntzen digutena, dimentsio globala emanez iBGCn partekatzen ditugun esperientzia eta gogoetei.