| |
"Berrikuntza errentagarriaren erronka" izan da
aurtengo goiburua E-Business Global Conference Kongresuaren
V. Edizioan, eta 550 pertsona bertaratu dira. Epsilon Euskadi,
Elhuyar, Ofiline, Kaiku, Garaia kooperatiba edo Barceló bezalako
enpresek berrikuntza kasu praktikoak erakutsi dizkigute, eta
bertaratu direnek hainbat konpainiaren –Red Bull, MyStrands,
Alares, Genetrix, Ibermática, Telefónica, Correos- eta
hainbat hizlariren –Larry Keeley, Alberto Vázquez
Figueroa, Pedro Nueno- jakintza eta esperientziak partekatu
ahal izan dituzte.
Inaugurazio ekitaldian Juan Jose
Ibarretxe lehendakariak adierazi zuen oraindik bide luzea dugula
egiteko informazioaren teknologien arloan, "baina aski dugu lau urte atzerago begiratzea,
Euskal Autonomia Erkidegoan informazioaren teknologiek enpresa
txiki eta ertainetan izan duten bilakabideaz ohartzeko. Bide
onetik gabiltza, beraz".
Berrikuntza zientziaren
aitatzat jotzen den Larry Keeley-k berrikuntza bultzatzera
animatu gintuen, baina gure enpresetan lan egiten duten guzti-guztiekin
ez bakan batzuekin bakarrik. Berrikuntza eta garapen arloetan
punta-puntakoa den enpresa sare bat sortze aldera, enpresa
txiki eta ertainak lagundu eta bultzatzeko Euskal Autonomia
Erkidegoko erakundeek emandako babesa eta egindako lana aintzatetsi
zituen aditu honek.
Beste alde batetik, Nueno irakasleak
adierazi zuen beharrezkoa dela ingurune egokia izatea, unibertsitateen,
arrisku-kapitala kudeatzen duten entitateen eta enpresei emandako
pizgarrien arteko erlazioan bermaturik, horrela, oinarri teknologikoko
antolakundeen sorrera sustatzeko. |
![](images/shim.gif"){kind=spacer}
